منتديات ابطال مصرية
ولـــكمــووو سيعدنأإ انضممكم المنتدى ابطال مصرية
أدأرة ابطال مصرية تتمنأ لكم اسعد الاوقات

منتديات ابطال مصرية

شات ابطال مصرية
 
الرئيسيةمكتبة الصورس .و .جبحـثالمجموعاتالتسجيلدخولمركز تحميل الصور
دخول الزوار
دخول المراقبين

شاطر | 
 

 رباعيات صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اللمبى
رئيس مجلس ادارة
رئيس مجلس ادارة


ذكر
عدد الرسائل : 210
العمر : 21
بتشتغل ايه : عواطلى
المزاج :
الاوسمه :
بلدك ايه :
احترامك لقوانين المنتدى :
تاريخ التسجيل : 30/05/2008

مُساهمةموضوع: رباعيات صلاح جاهين   الأحد يوليو 13, 2008 6:03 pm




خرج ابن آدم من العدم
قلت: ياه
رجع ابن آدم للعدم قلت: ياه
تراب بيحيا.. وحي بيصير تراب
الأصل هو الموت ولاّ الحياه؟
عجبي
*******
ضريح رخام فيه السعيد اندفن
وحفره فيها الشريد من غير كفن
مرّيت عليهم.. قلت ياللعجب
الاتنين ريحتهم لها نفس العفن
عجبي
*******
ياما صادفت صحاب وماصاحبتهمش
وكاسات خمور وشراب وما شربتهمش
أندم على الفرص اللي انا سبتهم
ولاّ على الفرص اللي ما سبتهمش
عجبي
*******
الكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
عجبي
*******
أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي
*******
ياباب يامقفول.. إمتى الدخول
صبرت ياما واللي يصبر ينول
دقيت سنين.. والرد يرجع لي: مين؟
لو كنت عارف مين أنا كنت أقول
عجبي
*******
أحب أعيش ولو في الغابات
أصحى كما ولدتني أمي وابات
طائر.. حيوان.. حشرة.. بشر.. بس أعيش
محلا الحياة.. حتى في هيئة نبات
عجبي
*******
سهير ليالي وياما لفيت وطفت
و فـ ليه راجع في الضلام قمت شفت
الخوف.. كأنه كلب سد الطريق
و كنت عاوز أقتله.. بس خفت
عجبي
*******
رقبة قزازة وقلبي فيها انحشر
شربت كاس واتنين وخامس عشر
صاحبت ناس مـ الخمرة ترجع وحوش
وصاحبت ناس مـ الخمرة ترجع بشر
عجبي
*******
ليه يا حبيبتي ما بينّا دايما سفر
ده البعد ذنب كبير لا يغتفر
ليه يا حبيبتي ما بينّا دايما بحور
أعدّي بحر.. ألاقي غيره اتحفر
عجبي
[/center]
الرجوع الى أعلى الصفحة اذهب الى الأسفل
http://a-egypt.ahlamountada.com
زائر
زائر



مُساهمةموضوع: رد: رباعيات صلاح جاهين   الإثنين يوليو 21, 2008 2:08 am

موضوعك جميل

ميرسي


نايس توبيك
الرجوع الى أعلى الصفحة اذهب الى الأسفل
 
رباعيات صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابطال مصرية :: (¯`·._.·(قسم الادبيات )·._.·°¯) :: اجمل قصص الحب-
انتقل الى: